Wednesday, April 29, 2015

Kshama Yantra and Importance of Hanuman Chalisa

We have been seeing 108 Shraddhavans, together chanting Shree Hanuman Chalisa at Shree Aniruddha Gurukshetram every year but atleast I was not aware of the reason why we do so. Yesterday during the tea break while performing chanting, I happened to speak with a karyakarta sevak (volunteer) of Shree Gurukshetram who told me the importance and meaning behind this event.

It was before the establishment of Shree Aniruddha Gurukshetram when Parampoojya Sadguru Aniruddha Bapu asked Poojya Samirdada to perform upasana so as to establish Kshama Yantra or the mechanism to obtain forgiveness for all the Shraddhavans. Accordingly Samirdada performed tough upasana and on its completion offered it at lotus feet of Sadguru Bapu.

Kshama Yantra
With this offering, Bapu who is known, seen and experienced by Shraddhavans as an ocean of forgiveness created Kshama Yantra which is now installed at Shree Aniruddha Gurukshetram so as to spread this forgiveness of Sadguru in the entire Universe. Along with the upasana that Samirdada had performed Bapu also offered all the upasana performed by Aadyapipadada Sureshsinh Dattopadhye in the Kshama Yantra.

The bearer of this Yantra is Lord Hanumant. Taking darshan of Kshama Yantra even once bestows us with merit of visiting 108 teerthakshetras (pilgrim places). The Kshama Yantra has to capacity to absorb all our vices and cleanse us.

Post the establishment of this Yantra it is required that it is charged every year. As a result 108 Shraddhavans chant Shree Hanuman Chalisa 108 times throughout the day for one whole week. The commencement date of chanting is select by Poojya Samirdada which approval from Parampoojya Bapu. Generally the chanting is organized in the months between April, May or June.

Shree Hanuman Chalisa Chanting by Shraddhavans
Day before yesterday with grace of Sadguru Bapu I had a wonderful chance to be part of this chanting of Shree Hanuman Chalisa at Shree Aniruddha Gurukshetram. It was wonderful to experience the bliss of Sadguru throughout the day. It was one of the rare occasions when we get to spend the whole day just seeing the love-filled face of our beloved Mothiaai – Mahishasurmardini and experience more and more of Her love.

What was most amazing was the vicinity of Dharmasan of Sadguru. Watching Dharmasan during chanting made me realize one important principle; “Experiences arise out of faith and faith gives rise to more and more experiences”. It was indeed a bliss-filled day. 

Saturday, April 25, 2015

इंटरनेटवरची खाऊ गल्ली

I am a foodie at heart. Especially when it comes to non-vegetarian food, soups and salads I love it the most. Today I am publishing my article of food and hotels website that was published in Dainik Pratyaksha on 11th March 2011. 

Recently I have changed by food habits. This all happened after 13th December 2014. It was the day when Sadguru Aniruddha Bapu or rather I would say Dr. Aniruddha Joshi delivered a lecture on Self-Health and Food. Bapu himself is a MD doctor. His lecture was an eye-opener for all the Shraddhavans and has helped us all in taking our fitness to marvellous levels. 




इंटरनेटवरची खाऊ गल्ली

जेवण-खाण सोडून हा सदानकदा इंटरनेटवर बसलेला असतो, अशा कित्येक  घरातल्या आई तक्रारी करीत असतात. इंटरनेटनेच पोट भरणार का? असा प्रश्‍नही त्या आपल्या लेकाला किंवा लेकीला विचारतात. भूक भागवायची असेल, तर अन्नावाचून पर्याय नाही. पण या कामी इंटरनेट आपल्याला अजिबात मदत करू शकत नाही, असा जर आपला समज असेल, तर तो चुकीचा आहे. उदरभरणाची ‘सोय’ इंटरनेटवरून करता येऊ शकते. खवैयेगिरीची हौस भागविण्यासाठी इंटरनेट आपल्याला मदत करू शकतो. कसं, तेच आज आपण पाहणार आहोत. 

डब्बा सेवादाते
सर्वात आधी आपण पाहूया जग प्रसिध्द डबेवाल्यांबद्दल. जागतिकीकरणामुळे आज नोकरी-व्यवसाय करण्यासाठी शहरांच्या सीमा राहिल्या नाहीत. भारतातील कोणत्याही एका भागातील माणूस दुसर्‍या कोणत्याही भागात नोकरी-व्यवसाय करताना सर्रासपणे आढळतो. माणूस घराबाहेर असला की त्याला सर्वात जास्त कमतरता जाणवते ती म्हणजे घराच्या माणसांची व आई किंवा बायकोच्या हातच्या जेवणाची. अशा वेळेस जर घरच्या चवीचे अन्न कुठे मिळाले तर माणसाला ते हॉटेलच्या अन्नापेक्षा अधिक प्रिय वाटते. अशाच वेळेस आपल्याकडे 'डबेवाला' हा एक उत्तम पर्याय असतो. हे डबेवाले सकस व अगदी घरच्या चवीचे अन्न पुरविण्यासाठी जगप्रसिध्द आहेत. पण चांगल्या डबेवाल्यांना शोधणे हीसुद्धा एक कठीण गोष्ट आहे. त्यावेळेस www.foodizm.in  www.bhojantime.com/pune-tiffin-service ह्या व इतर साईटस्‌ आपल्या मदतीला येऊ शकतात. ह्या साईटवर भारतातील  प्रमुख शहरातील उदा: मुंबई, पुणे, बंगळुरु, हैद्राबाद, अहमदाबाद, दिल्ली, इत्यादी शहरांममध्ये डब्यांची सेवा पूरविणार्‍या सेवादात्यांची यादी मोफत मिळवता येते.


ग्राहक म्हणून ह्या साईटवर आपण गेलो की आपल्याला सर्वात पहिले ज्या शहरातील डब्बेवाल्यांची माहिती हवी आहे त्या शहराची निवड करावी लागते. त्या शिवाय आपण विशिष्ठ शोधशब्द (Keywords) टाकून आपल्याला हव्या असणार्‍या भगातील किंवा हव्या असणार्‍या खाद्यशैलीप्रमाणे ह्या डब्बा-सेवादात्यांची यादी काढू शकतो. ह्या यादीत दिलेल्या सेवादात्यांच्या नावावर क्लिक केले की आपल्याला ह्या सेवादात्यांची संपूर्ण माहिती मिळते उदा: ते कोणत्या भागात सेवा पुरवतात, त्यांची खाद्यशैली, शाकाहारी-मांसाहारी अन्न, रात्रीचे का सकाळचे जेवण व तेथील संपर्क साधण्यासाठीची व्यक्ती व तीचा संपर्क क्रमांक, इत्यादि सारी माहिती मिळते. ह्या माहितीच्या आधारे आपण ह्या साईटवर दिलेल्या संपर्क क्रमांकावर या सेवादात्यांशी थेट संपर्क साधू शकतो. जर आपल्याला सेवादाता म्हणून ह्या साईटवर नोदणी करायची असेल तर तीसुद्धा आपण मोफत करु शकतो. 


हॉटेल व रेस्टॉरंटस्
हल्ली हॉटेल, रेस्टॉरंटस्मध्ये जेवायला जायचा कल, शहरी भाषेत ट्रेंड वाढला आहे. पूर्वी रेशनच्या दुकानाबाहेर रांगा लागायच्या त्याप्रमाणे हल्ली हॉटेलस्च्या बाहेर रांगा असतात. रविवारीतर जर आपण हॉटेलमध्ये जेवायला जायचे म्हटले तर कमीत-कमी अर्धातास तरी वेटींगमध्ये थांबावे लागते. हा वेळ जर वाचवायचा असेल तर आपल्या मदतीला www.justeat.in ही साईट येऊ शकते. ह्या साईटवर मुंबई, दिल्ली व बंगळुरु मधील  रेस्टॉरंटस् नोंदणीकृत आहेत. ह्या सर्व रेस्टॉरंटस्मध्ये आपण ऑनलाईन टेबलचे बुकिंग करू शकतो. त्याशिवाय ह्याच रेस्टॉरंट्सना आपण मोफत होम डिलिव्हरीसाठी ऑनलाईन ऑर्डरही देऊ शकतो. ह्याच साईटवर विविध भारतीय खाद्य पदार्थांच्या पाककृती (रेसेपीज्) सुद्धा आहेत. शिवाय ह्याच साईटवर आपण विविध रेस्टॉरंटस्ची कुपनस्ही विकत घेऊ शकतो. ती आपल्याला व्यवहारासाठी कधीही वापरता येतात. 

www.orderplz.com ह्या साईटवरुन सुद्धा आपल्याला भारतातील  शहरांमधील रेस्टॉरंटस्ची मेन्यूकार्ड पाहून ऑनलाईन मोफत होम डिलिव्हरीसाठी ऑर्डर देता येते. त्याशिवाय सर्व नोंदणीकृत रेस्टॉरंटस्चे संपर्क क्रमांकसुध्दा ह्या साईटवर आहेत. त्यामुळे आपण ह्या रेस्टॉरंटस्शी थेट संपर्कसुध्दा करू शकतो. www.mealtree.com म्हणून अशीसुद्धा एक साईट आहे. ह्या साईटवर मुंबईतील बरीच रेस्टॉरंटस् नोदणीकृत आहेत. ह्या रेस्टॉरंटस्ना आपण ही साईट वापरून ऑनलाईन मोफत होम डिलिव्हरीसाठी ऑर्डर देऊ शकतो. ह्या सर्व साईटस्वरुन बुक केलेल्या ऑर्डर्स्वर आपल्याला १०-२०% टक्के इतकी बिलात सवलत देखील मिळते. ह्या सर्व साईटस्चा उपयोग आपल्याला ग्राहक म्हणून मोफत आहे. त्याशिवाय ऑनलाईन पेमेंट किंवा ऑन डिलिव्हरी पेमेंट करण्याची सोय सुध्दा ह्या साईटवर आहे.

www.burrp.com ह्या साईटवर  भारतातील  शहरातील अनेक हॉटेल व रेस्टॉरंटस्ची नावे व त्यांची संपर्क माहिती आहे. ही माहिती आपण ह्याच साईटवरुन कोणालाही मोफत एस.एम.एस. करु शकतो. 

पाककृतीं व पाककला
आता थोडे पाककृतींकडे वळूया. www.khanakhazana.comwww.zeefood.in, www.indobase.com/recipes, www.tajrecipe.com, www.tarladalal.comwww.sanjeevkapoor.comhttp://mydhaba.blogspot.com, www.awesomecuisine.com इत्यादि ह्या सार्‍या साईटस्वर आपल्याला मोफत विविध भारतीय व आंतरराष्ट्रीय पाकविधी व पाककृती (Recipes) शिकता येतात. ह्या साईटस्वर पदार्थ बनवण्यासाठी लागणारे साहित्य, तो पदार्थ बनवण्यासाठी असणारी पाककृती व अगदी त्या पाककृतीचे व्हीडीओज्‌ सुध्दा उपलब्ध आहेत. त्याशिवाय पाककलांचा सहज शोध घेता येण्यासाठी ह्या साईटस्वर खाद्यपदार्थांचे वर्गीकरण विविध प्रकार, प्रांत, देश, इत्यादि मध्ये केलेले आहे. www.khanakhazana.comwww.tarladalal.com व www.sanjeevkapoor.com ह्या साईटस्वर आपण ह्या साईटच्या प्रशासकांना पाककलेशी संबंधित आपले प्रश्‍नही विचारू शकतो व आपल्याला मिळालेले उत्तर आपल्या बरोबरच इतर लोकही बघू शकतात. www.zeefood.in ही झी टीव्हीची साईट आहे. ह्या साईटवर आपण झी टीव्ही वर प्रसारित झालेल्या पाककलांच्या कार्यक्रमांचे भाग कधीही बघू शकतो. ह्या सर्व साईटस्वर आपण आपल्या पाककलादेखील पाठवू शकतो. जर ह्या साईटस्‌च्या प्रशासकांना आपल्या पाकला आवडल्या तर आपल्या इनामदेखील दिले जाते. www.cookingclasses.co.in ह्या साईटवर विविध पाककलेच्या शिक्षणवर्गांची माहिती आहे.

एकूण इंटरनेटमुळे कुणाचं पोट भरत नाही, या आरोपाला आपण छेद देऊ शकतो. पण याचा अर्थ  आपण आपल्या घरातल्या जेवणाकडे दुर्लक्ष करायचं, असा नक्कीच होत नाही. त्यामुळे इंटरनेटवर बसला की याला जेवणाखाण्याची शुद्ध रहात नाही, या तक्रारीकडे आपण गंभीरपणे पाहायलाच हवं.

Friday, April 17, 2015

रुग्णालयांची उपलब्धता जाणून घेण्यासाठी... (Checking Hospital Bed Availability)

Publishing my article that had appeared in Dainik Pratyaksha on 4th March 2011 on www.indiahospitalbeds.org. This site provided availability of hospital bed for patients. Unfortunately this site has closed down now. We have there would be some site like this in near future which would cover all the hospitals so that patients and their relatives in need are convenienced.

I am also happy to let you know about one very different project that I came across. It is the Institute of Geriatrics & Research Centre at Juinagar near Mumbai. It is the vision of Dr. Aniruddha Dhairyadhar Joshi (Sadguru Aniruddha Bapu) of having a comprehensive facility that will tend to the old, aged and infirm, who do not have the sound financial means to support their expensive medical needs, is taking shape and will come to fruition in the coming months. To know more you may click here.



रुग्णालयांची उपलब्धता जाणून घेण्यासाठी....

माझ्या मित्राच्या काकांना काही काळापूर्वी किडनी स्टोनचा अचानक त्रास झाला. त्यांना डॉक्टरांनी लगेचच शस्त्रक्रिया करून घ्यायला सांगितले. त्यामुळे लगेचच शस्त्रक्रिया करण्यासाठी रुग्णालयाचा शोध सुरू झाला. नेमका तो पावसाळ्याचा मोसम होता व सगळी रुग्णालये पूर्णपणे भरलेली होती. त्यामुळे खूप शोध घेतल्यानंतरच त्यांना रुग्णालयात जागा मिळाली. ह्या सगळ्या धावपळीत त्यांचा खूप वेळ तर गेलाच पण त्याचबरोबर मन:स्तापही भरपूर सहन करावा लागला. समजा अशा वेळेस त्यांना ह्या प्रसंगात अशी सुविधा मिळाली असती ज्यामुळे त्यांना अनेक रुग्णालयातील जागांची उपलब्धता एकाच ठिकाणी कळली असती तर... त्यांचा वेळही कमी खर्च झाला असता व सर्वात महत्त्वाचे म्हणजे मन:स्ताप खूप कमी झाला असता. ही अडचण सोडवण्यासाठीच आपल्याला http://indiahospitalbeds.org या वेबसाईटचा उपयोग करता येऊ शकतो.   

http://indiahospitalbeds.org ह्या साईटवर मुंबई व आसपासच्या परिसरातील काही रुग्णालये उदा: खंबाला हिल रुग्णालय - केम्प्स् कॉर्नर, होली फॅमिली रुग्णालय - वांन्द्रे, इनलॅकस् रुग्णालय - चेंबूर, कोहिनूर रुग्णालय - कुर्ला, लोक रुग्णालय - ठाणे, एम.जी.एम. रुग्णालय - नवी मुंबई, सूचक रुग्णालय - मालाड आणि सेंट एलिजाबेथ रुग्णालय - मलबार हिल ही नोंदणीकृत आहेत. ह्या साईटवर आपण ह्या रुग्णालयातील जागांची उपलब्धता ऑनलाईन पडताळू शकतो व तेही कोणती नोंदणीही न करता व अगदी मोफत. ही उपलब्धता आपल्याला तेथील असलेल्या रुम्सच्या प्रकारासकट मिळते उदा: आय.सी.यू. ए.सी. सिंगल, डिलक्स, ट्वीन शेअरींग इत्यादि. ही उपलब्धता कळण्यासाठी आपल्याला ह्या साईटवर जावे लागते. त्यानंतर त्यांच्या होम पेज (Home Page)  ह्या सार्‍या रुग्णालयांची यादी दिलेली असते. ह्या यादीतील रुग्णालयांच्या नावांना हायपरलिंक केले आहे. त्यामुळे ह्या हायपरलिंकवर आपण क्लिक केले की त्या रुग्णालयाच्या रुम्सच्या प्रकारासकट त्यांची उपलब्धता आपल्याला एका तखत्याचा स्वरूपात कळते. त्याशिवाय या रुग्णालयातील सर्व सुविधांची यादीसुध्दा आपल्याला ह्याच लिंकवर उपलब्ध होते. 

ह्या साईटवर जरी आत्ता फक्त मुंबईतील रुग्णालयांची माहिती असली तरी ह्या साईटच्या व्यवस्थापकांच्या मते लवकरच या साईटवर संपूर्ण भारतातील, सर्व शहरातील रुग्णालय व नर्सिंग होमस्ना  समाविष्ट करून घेणार आहेत. ह्या साईटवर रुग्णालयांची नोंदणीसुध्दा मोङ्गत करता येते. त्यामुळे खरं तर एवढ्या चांगल्या उपक्रमाला रुग्णालयांनी स्वत:हून प्रतिसाद द्यायला हवा. पण तरी ह्या साईटवर एक गोष्ट जाणवली ती म्हणजे, आत्तापर्यंत फक्त आठ रुग्णालयांनीच याच साईटवर आपली नोंदणी केली आहे जी अनाकलनीय आहे. ह्या नोंदणीकृत रुग्णालयांची यादी वाढली तर ह्याचा ङ्गायदा सर्वांनाच म्हणजे रुग्ण व त्यांचे नातेवाईक, रुग्णालये व या साईटला ही नक्कीच होईल. ते कसे ते आपण खाली पाहूयाच. 

ह्या साईटचे फायदे
रुग्णालयांचे दूरध्वनी क्रमांक काही वेळेस त्यांच्यावर असणार्‍या भारामुळे लागत नाहीत. तर काही वेळेला आपल्याला हवी असणारी उत्तरे आपल्याला रुग्णालयांच्या अधिकृत दूरध्वनी क्रमांकावरून मिळत नाही. त्यामुळे ह्या साईटचा अशा वेळेस आपल्याला चांगला उपयोग होतो. शिवाय अगोदर म्हटल्याप्रमाणे आपल्याला रुग्णालय शोधताना होणारा मन:स्ताप व वेळही वाचतोच. 

ह्या साईटमुळे रुग्णालयांनाही त्यांच्या क्षमतेचा पूर्ण लाभ उठवता येईल. अगदी व्यावसायिक भाषेतच बोलायचे झाले तर ह्या साईटमुळे रुग्णालयांना त्यांचे उत्पन्न वाढवायला फायदाच होईल. ही साईट सर्व नोंदणीकृत रुग्णालयांना ह्या साईटवरूनच त्या रुग्णालयांच्या अधिकृत साईटशी जोडण्यासही मोकळीक देते. त्याशिवाय ह्या साईटवरच आपल्याला रुग्णालयांची उपलब्धता समजत असल्या कारणाने एका डॉक्टरांना दुसर्‍या डॉक्टरांकडे, तज्ञ डॉक्टर किंवा रुग्णालयाकडे आपल्या रुग्णास र्निर्देशित करण्यास मदत होऊ शकते. ह्या साईटवरील रुग्णालयांची उपलब्धता त्या रुग्णालयांनाच अद्ययावत करावी लागते. 

रुग्णालयांच्या साईटवर मिळणार्‍या इतर सुविधा
हल्ली अनेक रुग्णालये आपल्याच अधिकृत साईटवर त्यांच्या रुग्णालयाच्या पॅनलवर असणार्‍या डॉक्टरांच्या उपलब्ध दिवसांची यादी ज्यात त्यांचे नाव विशेषज्ञता (Speciality) प्रदर्शित करतात. शिवाय रुग्णांना ह्या डॉक्टरांची भेट (Appointment) घ्यायची असल्यास डॉक्टरांना किंवा त्या रुग्णालयाला फोन करण्याची गरज सुध्दा उरत नाही कारण ही यादी पाहून रुग्णांना ह्याच साईटवर ह्याच डॉक्टरांची अपॉइंटमेंटही ऑनलाईनच घेता येते. उदाहरणच द्यायचे झाले तर बांद्र्यातील लीलावती रुग्णालय व अंधेरीतील सेव्हन हिल्स रुग्णालयाच्या साईटवर ह्या दोनही सुविधा उपलब्ध आहेत. 

याव्यतिरिक्त आपल्या सर्वांना ठाऊक आहेच की माहिती तंत्रज्ञानाचा उपयोग करुन आपण रुग्णवाहिका ही त्वरित बोलावू शकतो. त्यासाठी १०८, १०२ व १२९८ हे प्रचलित दूरध्वनी हेल्पलाइन क्रमांक आहेत. ह्या हेल्पलाइन्सवर ङ्गोन केल्यावर आपण रुग्णवाहिका बोलावू शकतो. रुग्णवाहिका बोलावयाच्या वेळेस इंटरनेट बघावयास वेळ नसतोच. त्यामुळेच आपण रुग्णवाहिका बोलावण्यासाठीच्या साईटस् बघणार नाही.
 
स्वास्थ्य सेवा व माहिती तंत्रज्ञानाचाच विषय चालला आहे म्हणून वाचकांना एक आठवण करून द्यावीशी वाटली व ती म्हणजे आपण ह्याच लेख मालिकेत अगोदरच्या एका भागात रक्त मिळवण्यासाठीच्या मोफत साईस्द्दटीमबद्दल जाणून घेतलेच आहे.  

भारतात अजूनही स्वास्थ्य सेवा इतर प्रगत देशांसारख्या सर्व सामान्य नागरिकाला सहज उपलब्ध नाहीत. एका आकडेवारी प्रमाणे आंतरराष्ट्रीय मापदंडानुसार कोणत्याही देशात प्रत्येकी  १००० लोकांच्यापाठी ३.९६ हॉस्पिटलमधील जागा (बेड्स) असणे गरजेचे आहे. त्या विरुध्द भारतात हे प्रमाण अवघे ०.७ इतकेच आहे. 
अशा परिस्थितीत या साईटचे महत्त्व अधिकच वाढते. म्हणूनच रुग्णांनी व रुग्णालयांनी या साईटकडे अधिक गंभीर्याने पहायला हवे.

Saturday, April 4, 2015

दिव्यदृष्टी - Live Video Streaming

Today I am republishing my article dated 25 February 2011 that was earlier published in Dainik Pratyaksha on sites offering free Live Video Streaming. I am very happy that I was part of the team of Shraddhavans that started the live streaming activities related to Sadguru Aniruddha Bapu. Today we are operating a full-fledged channel by the name Aniruddha TV that broadcasts weekly upasana conducted at Bandra in presence of Sadguru Aniruddha Bapu



मागे एक घडलेसा किस्सा आठवतो. माझ्या एक मित्राचं लग्न होतं. लग्नाच्या पंधरा दिवस अगोदर त्याच्या भावाला त्याच्या ऑफिसकडून तातडीने कॅनडाला पाठविण्यात येणार म्हणून कळले. त्याची ही बदली फक्त सहा महिन्यांसाठी होती, ज्या प्रोजेक्टसाठी जायचे होते तो अत्यंत मोठा महत्त्वाचा प्रोजेक्ट होता. त्यासाठी भारतातून फक्त जणच त्याच्या ऑफिसने निवडले होते. त्यामुळे घरातील सर्वांच्या संमतीने असे ठरले की जरी सख्ख्या भावाचे लग्न असले तरी ह्याने कॅनडाला जायचे. पण आपल्या सख्ख्या लाडक्या भावाचे लग्न स्वत:च्या डोळ्यांनी बघता येणार नाही ह्याची खंत त्याच्या मनात होतीच. दुधाची तहान ताकावर भागविण्यासाठी कोणी त्याला बोलले की लग्नाचे फोटो बघ, तर कुणी लग्नाचा व्हिडिओ पाहता येईल असं सांगून समजूत काढण्याचा प्रयत्न केला. पण शेवटी ह्या समस्येवर तोडगा संगणक महाराजचं देऊ शकतात असा विचार करून त्याने इंटरनेटवर शोध घेतला उत्तर मिळाले ही ते म्हणजे लाईव्ह व्हिडिओ स्ट्रीमिंग (Live Video Streaming). लाईव्ह व्हिडिओ स्ट्रीमिंग म्हणजे आपण ज्या जागी आहोत, तेथील घडणार्‍या घटनांचे संगणक, कॅमेरा / वेबकॅम इंटरनेटच्या माध्यमाने थेट प्रक्षेपण करणे, अगदी क्रिकेटच्या सामन्यासारखेच.

प्रसारण करण्यासाठी लागणार्‍या कमीत-कमी सुविधा
www.ustream.tv, www.justin.tv, http://qik.com, www.nchsoftware.com, इत्यादी साईटस्‌चा उपयोग करून आपण मोफत लाईव्ह व्हिडीयो स्ट्रीमिंग करू शकतो. लाईव्ह व्हिडिओ स्ट्रीमिंग करण्यासाठी आपल्याला एच.डी. (हाय डेफिनिशन) - म्हणजेच १२८० x ७२० पिक्सेल्स्‌चा कॅमेरा (संगणकाला जोडलेला), संगणक (लॅपटॉप किंवा डेस्कटॉप), मायक्रोफोन ऍडबचे फ्लॅश प्लेयर (जे मोफत डाऊनलोड करता येते), वरील पैकी कोणत्याही साईटचे मोफत मिळणारे सॉफ्टवेअर, आपल्या संगणकावर इन्स्टॉल्ड असणे गरजेचे आहे. शिवाय कमीत-कमी एम.बी.पी.एस. गतीचे (स्पीड) इंटरनेट कनेक्शनची आवश्यकता असते. आपला हा इंटरनेटचा स्पीड तपासायचा असेल तर www.speedtest.net या साईटवर आपल्याला तो मोफत तपासून त्याची इत्थंभूत आकडेवारी कळते. (त्यामुळे ह्या साईटचा उपयोग आपण इंटरनेट सेवादाता निवडताना देखील करू शकतो).

व्हिडिओ स्ट्रीमिंगसाठी आपण पुढील पैकी कोणताही कॅमेरा वापरू शकतो उदा: आपल्या लॅपटॉप मध्येच असलेला (Inbuilt) कॅमेरा, कॅमकॉरडर, वेबकॅम, व्यावसायिक कॅमेरा सर्वात सोपे म्हणजे मोबाईल फोनमधील कॅमेरासुध्दा वापरता येतो. व्हिडिओज्ची चांगली क्वालिटी मिळविण्यासाठी आपल्याला ऍडबचे फ्लॅश मीडिया एनकोडर (एफ.एम.एल..) जे मोफत  डाऊनलोड करता येते ते आपल्या संगणकावर इन्स्टॉल्ड असावे लागते. शिवाय व्हिडिओजचा दर्जा उत्तम राखण्यासाठी शक्यतो वायर्ड (इथरनेट) इंटरनेट असावे लागते.

प्रसारण कसे करावे?
आपल्याला ऑडियो व्हिडिओ असे दोन्ही प्रकारचे प्रसारण करता येते. ऑडियो प्रसारणात फक्त आवाजाचे   व्हिडिओ प्रसारणात आवाज चलचित्र दोन्हींचे प्रसारण करता येते. आपल्या संगणकावर आपला ऑडियो, स्टीरियो किंवा वेव्ह-आऊटपूट मिक्सला सेट करावा लागतो. त्यानंतर आपल्याला वर म्हटलेल्या साईटस्वर उपलब्ध असणारे सॉफ्टवेअर रन करावे लागते. त्यानंतर आपल्याला वर उल्लेखिलेल्या साईटस् वर लॉगीन करावे लागते. त्यानंतर आपल्याला काय प्रसारित करायचे आहे (व्हिडिओज् किंवा आपल्या डेस्कटॉप वरील फाईल्स्) ते निवडावे लागते. आपल्याला ह्या प्रसारणाचे गुण-वैशिष्ठ (Features) उदा: प्रसारणाच्या पटलाचा (Screen) आकार, इनपूट डिवाइस इत्यादी निवडता येतात. कॅमेरा डेस्कटॉपच्या व्यतिरिक्त आपल्याला आपल्या टी.व्ही.वर सुरू असणारे कार्यक्रमांचेदेखील प्रसारण करता येते. पण त्यासाठी आपल्याकडे कोणताही व्हिडिओ कॅप्चर डीवाईस असणे गरजेच असते. उदा: .डी.एस.टेकपायरो /वी लिंक, इत्यादी. आपल्याला आपले प्रसारण अधिक चांगले प्रदर्शनीय बनविण्यासाठी मजकूर (Scrolling text), चित्र, आर.एस.एस. फीड, खास अतिथी विंडो, दुसरे  व्हिडिओव्हिडिओे इफेक्टस्, ग्राफिक्स, इत्यादी ही आपण प्रसारित करणार्‍या  व्हिडिओमध्ये घालता येतात. आपण बातम्यांमध्ये पाहिलेच असेल मुलाखत घेणार्‍या समाचार समालोचक (Newsreader) दोन-तीन शहरातील व्यक्तिंची एकाच वेळेस मुलाखत घेत असतो. त्या सर्व लोकांना एकाच पटलावर (screen) दाखवले जाते. त्याच प्रमाणे आपल्याला आपल्या स्ट्रीममध्ये एका पेक्षा अधिक  व्हिडिओज्‌च प्रसारण एकाच वेळेस करता येते. ह्यालाच को-होस्टींग असे म्हणतात. ह्या सर्व साईटस्वर आपल्याला को-होस्टींगची सुविधाही उपलब्ध आहे.

वरील सर्व प्रक्रिया थोडी जटील अधिक तंत्रज्ञानिक असल्या कारणाने या साईटस्वर उपयोगकर्त्यांसाठी विस्तृत उपयोगकरिता पुस्तिका (User Manual) उपलब्ध आहे. शिवाय सर्वसाधारणपणे उपभोगत्यांना पडणार्‍या प्रश्‍नांचा संचय ही या साईटस्वर आहे. त्याशिवाय ह्या साईटस्वर आपण चॅटरुमस्ही बनवू शकतो. महत्त्वाचे म्हणजे हे व्हिडिओज्‌चे प्रसारण करताना आपण इतरांच्या भावना दुखाविल्या जाणार नाहीत ते असामाजिक नाहीत ह्याची काळजी घेणे गरजेचे आहे. तसे केल्यास विनाकारण आपल्यामुळे इतरांना नंतर आपल्याला त्रास होऊ शकतो.

प्रसारण कसे बघावे?
आपण जे प्रसारण करतो ते इतरांना दिसण्यासाठी एक समर्पित (dedicated) चॅनल दिले जाते जी एक हायपरलिंक असते. ह्या लिंकवर क्लिक केले की आपल्याला ह्या चॅनलवरील व्हिडिओज् बघता येतो.

व्हिडिओ स्ट्रीमिंग तंत्रज्ञानाचा हल्ली व्यापारातही बराच उपयोग बाढला आहे. ह्या व्हिडिओचा हल्ली अनेक कंपन्या, पुढारी, अभिनेते आपली उत्पादने, सेवा ख्यातीची जाहिरात करण्यासाठी भरपूर उपयोग करत आहेत. शिवाय ह्या सर्व साईटस्वरचे व्हिडिओेज् आपण ह्या साईटवरुनच थेट ट्विटर, फेसबूक, यूट्यूब, इत्यादी वरही प्रकाशित करू शकतो. त्याशिवाय ह्या साईटस्च्या द्वारे www.skype.com वर जोडले जाऊन आपण थेट  व्हिडिओ मिटींगसुद्धा घेऊ शकतो.

ह्या दोन साईटस्च्या व्यतिरिक्त http://qik.com ही सुद्धा एक साईट खासकरून मोबाईलवरून चित्रित केलेल्या  व्हिडिओेज्चे थेट किंवा ध्वनिमुद्रीत (recorded) प्रसारण करण्यासाठी वापरली जाते कारण ही साईट १४० प्रकारच्या मोबाईल्स्ला सपोर्ट करते. ह्या साईटचेही ट्विटर, फेसबूक यूट्यूबशी समाकलन (integration) केलेले आहे. प्रसारण करण्यासाठी  मोबाईलमध्ये जी.पी.आर.एस. असणे गरजेचे आहे.

व्हिडिओज्चाच विषय चालला आहे तर आपण जगातील सर्वात प्रसिद्ध व्हिडिओे शेअरिंग साईट म्हणजेच www.youtube.com विषयी सुद्धा थोडे जाणून घेऊया. ह्या साईटवर जगातील असंख्य ध्वनिमुद्रीत (recorded) व्हिडिओज् रोज अपलोड केले जातात. एक वेगळी महत्त्वपूर्ण गोष्ट म्हणजे ह्या साईटस्‌च्यामुळे अनेक चुकीच्या गोष्टींना उदा: जगातील लोकशाहीला दडपणार्‍या ताकदींचा नराधमपणा, काही सरकारी अधिकार्‍यांचा भ्रष्टाचार, इत्यादी संपूर्ण जगासमोर आणायला जनतेला ह्या साईटस्चे अत्यंत चांगले व्यासपीठ मिळाले आहे. म्हणूनच कदाचित चीन, इराण, ट्युनिशीया सारख्या हुकूमशाही व्यवस्था असणार्‍या देशात यूट्युबवर बंदी आहे. यूट्युबवर टी.व्ही. वर चालणार्‍या सर्व मालिकांचे सर्व भाग (episodes), सर्व खेळाचे सामने, सिनेमाचे भाग गाणी, इत्यादींचे  व्हिडिओेज् असतात. त्यामुळे कोणताही मलिकेतील भाग, खेळाच्या सामन्यातील काही भाग जर आपल्याकडून पाहण्याचा राहिला असल्यास तो आपण आपल्या सोईने यूट्युबवर बघू शकतो.